Lengdu líftíma kláru kubbanna þinna með þessum lífbrjótanlega poka. Pokann má nota til þess að safna saman og geyma litla búta af sjampó-, andlits- og líkamskubbum og nýta þá þannig upp til agna eða smella kubbnum í pokann í heilu lagi og geyma svoleiðis í sturtunni. Pokinn er búinn til úr sísal, sem er náttúrulegt efni úr agave plöntunni.

Við mælum ekki með því að nota pokann til þess að þvo hárið þar sem hann getur farið illa með hárið. Hins vegar er pokinn frábær til þess að skrúbba andlit og líkama. Þá einfaldlega smellir þú tilheyrandi kubbum í pokann og nuddar varlega á andlit/líkama og skolar svo af. Mundu svo eftir því að handþvo pokann vel á milli kubba til þess að halda honum hreinum og fínum!