2. September 2026

Geymdu akörnin þín, fjármálalæsi fyrir litla fólkið

Hvernig kennir maður barni að spara? Hvað þýðir það að hugsa til framtíðar? Og hvernig getur eitthvað lítið sem maður leggur til hliðar orðið að meira með tímanum? Þetta eru einföld en mikilvæg hugtök sem Geymdu akörnin þín eftir Robert Gardner kynnir fyrir yngstu lesendunum á skemmtilegan og aðgengilegan hátt.

Skemmtileg saga með stóran lærdóm
Í bókinni fylgjumst við með íkornunum Oliver og Amalíu sem læra um peninga og sparnað hjá afa sínum. Þau fá að kynnast mikilvægi þess að eyða ekki öllu strax heldur leggja eitthvað til hliðar fyrir framtíðina.

Akornin verða þannig skemmtileg myndlíking fyrir peninga. Þegar þau eru geymd og hugsað er um þau geta þau vaxið og gefið af sér fleiri akörn. Þannig fá börnin einfaldan skilning á því hvernig sparnaður getur vaxið með tímanum.

Bókin fjallar þó ekki bara um að spara. Börnin læra líka um að deila, taka skynsamlegar ákvarðanir og hugsa aðeins lengra en til næstu stundar.

Góðar venjur byrja snemma
Robert Gardner skrifaði Save Your Acorns út frá áhuga sínum á fjármálafræðslu barna. Hann hefur einnig stofnað samtök sem vinna að því að kenna börnum og ungu fólki að gera fjárhagsáætlanir, spara, fjárfesta og gefa til baka. Bókin hefur síðan verið notuð sem grunnur að fjármálafræðslu fyrir yngstu börnin í breskum skólum.

Geymdu akörnin þín er því skemmtileg lesning fyrir börn á aldrinum 5–7 ára og góð leið fyrir foreldra til að hefja samtal um peninga, sparnað og framtíðina.

Bókin kostar aðeins 500 kr. og fæst bæði hér í vefverslun og í öllum verslunum Hagkaups.