10. Desember 2024

Ljúffeng hreindýralund

Það eru marg­ir sem kjósa að hafa hrein­dýr um jól­in en hrein­dýr er gjarn­an mjög vin­sælt hrá­efni. Hér er uppskrift af hrein­dýra­lund frá Snæ­dísi Jóns­dótt­ur mat­reiðslu­manni sem eldar hana á ein­fald­an en ljúf­feng­an hátt. 

Mælt er með 180-200 g af lund á mann.

Hitið ofninn á 180°c. Steikið eða grillið allar hliðar, eldað ofni upp kjarnhita 48°c og leyft að hvíla upp kjarnhita 56-57°c.

Bláberjasósa
750 ml kjúklingasoð
750 ml bláberjasafi
100 ml rauðvín eplaedik
100 g smjör
5 g timanlauf salt

Hellið rauðvíni og bláberjasafa í pott og sjóðið niður um ¾. Bætið kjúklingasoði saman við og sjóðið niður um helming. Smakkið sósuna til með eplaediki og salti. Að lokum er smjöri hrært saman við samt timanlaufum.

Rósakál með þeyttri kotasælu og granateplum
500 g rósakál
500 g kotasæla
1 búnt söxuð steinselja
1 msk. hvítlauksduft
Sítrónubörkur
1 stk. granatepli
bláberjavinaigrette
Salt

Sjóðið vatn í potti með salti. Rífið rósakálslaufin af og setjið í sjóðandi vatn í sirka mínútu, sigtið og setjið í klakavatn/ískalt vatn. Þeytið kotasæluna í hrærivél eða matvinnsluvél. Bætið við steinseljusaxi, hvítlauksdufti og sítrónuberki. Skerið granateplið og takið berin úr. Setjið kotasælu á disk og setjið rósakálslaufin ofan á og dreifið granatberjunum yfir.

Hunangsgljáðar gulrætur með ristuðum möndluflögum
500 g íslenskar gulrætur
100 g möndluflögur
Hunang (hægt að nota síróp)

Hitið ofninn á 170°c. Sjóðið vatn í potti með salti. Skrælið gulræturnar og sjóðið í 3-4 mínútur. Raðið á bakka, bætið hunangi og möndlum við og bakið í 8-10 mínútur.

Sjá myndband hér