24. Júní 2024
Snjókrabbasamloka
Matarmenn útbjuggu deluxe snjókrabbasamloku með gufusoðnum snjókrabba og ljúffengum grunni sem hægt er að nota sem grunn fyrir sjávarrétti almennt, t.d. rækjusalat.
Uppskrift:
500 gr snjókrabbakjöt
Old bay krydd eftir smekk
1 bolli japanskt majónes
1/2 rauðlaukur
1 jalapeno fræhreinsaður
2 sítrónubátar
1/2 agúrka
3 hvítlauksgeirar kreistir
6 strá graslaukur
Dill eftir smekk
2 msk dijon sinnep með hunangi
3 msk kapers
Skerið grænmetið smátt og setjið í skál ásamt majónesi og sinnepi og hrærið. Geymið í ísskáp á meðan krabbinn er eldaður.
Eldun á krabba:
Byrjið á að þýða krabbakjötið í ísskáp sólarhring fyrir eldun eða setjið í skál með köldu vatni í um klukkustund. Kryddið kjötið eftir smekk. Gufusjóðið í 5 mínútur. Leyfið kjötinu að kólna og bætið svo varlega saman við salatið.