6. Febrúar 2023

Góð ráð við varaþurrki

Ég er ein af þeim sem á það til að gleyma því að hugsa um að næra varirnar mínar og oft man ég það þegar ég ætla að vera með varalit en þá, oftar en ekki, eru varirnar þurrar og sprungnar og þá er afskaplega erfitt að ná varalitnum fallegum á varirnar. En þetta þarf alls ekki að vera svona. Það er nefnilega til aragrúi af frábærum snyrtivörum sem hægt er að nota til þess að halda vörunum okkar góðum og vel nærðum svo þær séu klárar í varalitinn þegar okkur dettur í hug. Mig langar til þess að segja ykkur frá nokkrum mismunandi vörutegundum í þessum flokki og nokkrum vörum sem ég gríp gjarnan í ef ég man eftir því að undirbúa varirnar fyrir varalitinn með smá fyrirvara.