1. Júlí 2024
Einföld laxaskál
Helga Magga skellti í einfalda og ljúffenga laxaskál sem er tilvalin í hádeginu eða á kvöldin.
Laxinn er kryddaður með salti, pipar, hvítlauk og chilli. Sama krydd er sett á edamame baunirnar ásamt smá olíu.
Edamame baunirnar eru grillaðar í um 12-14 mínútur. Laxinn er grillaður í um 10-12 mínútur, 6 mínútur á hvorri hlið.
Sjóðið hrísgrjón og setið í botninn á skálinni, laxinn svo settur þar ofan á og rifinn niður með gaffli. Sweet chilli sósa sett yfir eftir smekk, um 30-50 ml og þessu blandað saman.
Skerið niður gúrku og gulrætur og setjið ofan á laxinn, ásamt grilluðu edamame baununum og niðurskornum vorlauk. Að lokum er svo gott að setja sriracha mayo sósu yfir alla skálina.
Einfalt, fljótlegt og gott!